సీఎం చంద్రబాబును కలిసిన వాల్మీకి సంఘం నేతలు

వాల్మీకి బోయలను ఎస్టీలుగా గుర్తించాలని కోరుతూ, ఆ పోరాట కమిటీ అధ్యక్షుడు లక్ష్మన్న సీఎం చంద్రబాబుకు వినతిపత్రం అందజేశారు. వారి సామాజిక, ఆర్థిక పరిస్థితులను ఆయన వివరించారు. ఈ అంశంపై కేంద్రంతో ఫాలోఅప్ చేసి, ఎస్టీ హోదా కల్పించేందుకు కృషి చేస్తానని సీఎం హామీ ఇచ్చారు. గతంలోనే అసెంబ్లీలో బిల్లు ఆమోదించి కేంద్రానికి పంపామని, పెండింగ్‌లో ఉన్న ప్రక్రియను త్వరగా పూర్తి చేస్తామని సీఎం పేర్కొన్నట్లు లక్ష్మన్న తెలిపారు.