వాడపల్లి ఆలయ అన్నదానానికి విరాళం

ఆత్రేయపురం మండలం వాడపల్లి శ్రీ వేంకటేశ్వర స్వామి ఆలయ నిత్య అన్నదాన పథకానికి శుక్రవారం రూ.4,35,500 విరాళం అందింది. పెరవలి మండలం అజ్జరానికి చెందిన అర్థమూరి నాగ వెంకట కృష్ణ రెడ్డి, మయాన్ష్ రెడ్డి కుటుంబ సభ్యులు ఈ విరాళాన్ని అందజేశారు. అనంతరం దాత కుటుంబ సభ్యులు స్వామివారిని దర్శించుకుని ప్రత్యేక పూజలు చేశారు. ఆలయ అధికారులు వారికి తీర్థప్రసాదాలు, స్వామివారి చిత్రపటాన్ని అందజేశారు.