భర్త కళ్ల ముందే భార్య గొంతుకోసి చంపిన దుండగులు

సంగారెడ్డి జిల్లా ఐడీఏ బొల్లారం పరిధిలో ఘోరం జరిగింది. బిహార్‌కు చెందిన అనిల్ కుమార్, మీనాదేవి (35) దంపతులు శనివారం రాత్రి సంతకు వెళ్లి బైక్‌పై తిరిగి వస్తుండగా గండిగూడెం వద్ద వాహనం ఆగిపోయింది. ఆ సమయంలో పొదల్లోంచి వచ్చిన దుండగులు భర్తపై దాడి చేసి, భార్యను లాక్కెళ్లి గొంతుకోసి చంపేశారు. అడ్డుకోబోయిన అనిల్‌కు కూడా తీవ్ర గాయాలవడంతో ఆసుపత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.