తెలంగాణలో ప్రత్యేక బియ్యం ఎగుమతి విధానం

తెలంగాణలో బియ్యం ఉత్పత్తి వినియోగం కంటే పదిరెట్లు ఎక్కువగా ఉన్నందున, రాష్ట్ర ప్రభుత్వం ప్రత్యేక ఎగుమతి విధానాన్ని రూపొందిస్తోంది. దీనివల్ల బియ్యం మిల్లర్లు అంతర్జాతీయ మార్కెట్లలో తమ ఉత్పత్తులను విక్రయించేందుకు వీలు కలుగుతుంది. బియ్యం ఉత్పత్తి, సేకరణలో అగ్రస్థానంలో ఉన్న మన రాష్ట్రం, ఈ నూతన విధానంతో ఎగుమతులను ప్రోత్సహించనుంది. ఫిలిప్పీన్స్ వంటి దేశాలకు ఎగుమతులు ఇప్పటికే కొనసాగుతున్నాయని మంత్రి ఉత్తమ్‌కుమార్ రెడ్డి స్పష్టం చేశారు.