శర్వానంద్ ‘భోగి’ క్లైమాక్స్ షూటింగ్ షురూ

హీరో శర్వానంద్, దర్శకుడు సంపత్ నంది కాంబినేషన్‌లో తెరకెక్కుతున్న పీరియాడికల్ యాక్షన్ డ్రామా ‘భోగి’ క్లైమాక్స్ ఫైట్ చిత్రీకరణ శరవేగంగా జరుగుతోంది. స్టంట్ మాస్టర్ దిలీప్ సుబ్బరాయన్ పర్యవేక్షణలో భారీ సెట్‌లో శర్వానంద్‌పై అత్యంత రిస్కీ, హై-వోల్టేజ్ యాక్షన్ సన్నివేశాలను రూపొందిస్తున్నారు. అనుపమ పరమేశ్వరన్, డింపుల్ హయతి కథానాయికలుగా నటిస్తున్న ఈ చిత్రాన్ని కె.కె. రాధామోహన్ నిర్మిస్తున్నారు. 1960ల నాటి తెలంగాణ-మహారాష్ట్ర సరిహద్దుల నేపథ్యంలో సాగే ఈ చిత్రం ఆగస్టు 28న పాన్ ఇండియా వ్యాప్తంగా విడుదల కానుంది.