కార్పొరేట్ బాండ్ల టోకనైజేషన్‌కు సెబీ కసరత్తు

కార్పొరేట్ బాండ్ల మార్కెట్‌లో పారదర్శకత, వేగవంతమైన సెటిల్మెంట్ల కోసం బ్లాక్‌చైన్ ఆధారిత టోకనైజేషన్ పైలట్ ప్రాజెక్టును సెబీ పరిశీలిస్తోంది. రుణ మార్కెట్‌ను బలోపేతం చేసేందుకు, చిన్న తరహా పరిశ్రమలు బాండ్ల ద్వారా నిధులు సమీకరించేలా ప్రోత్సహిస్తున్నామని సెబీ ఛైర్మన్ తుహిన్ కాంత పాండే పేర్కొన్నారు. బాండ్ల మార్కెట్ గణనీయంగా విస్తరించినప్పటికీ, రిటైల్ భాగస్వామ్యం ఇంకా తక్కువగానే ఉందని ఆయన తెలిపారు. దీనిని మెరుగుపరచడానికి రిజర్వ్ బ్యాంక్‌తో కలిసి మార్కెట్ పటిష్టతకు కృషి చేస్తున్నామన్నారు. అలాగే మున్సిపల్ బాండ్ల ఫ్రేమ్‌వర్క్‌ను కూడా సమీక్షిస్తున్నట్లు వెల్లడించారు.