బజాజ్ ఆటో షేర్ల బైబ్యాక్ ప్రారంభం

బజాజ్ ఆటో రూ.5,632 కోట్ల విలువైన షేర్ల బైబ్యాక్‌ను జూలై 1 నుండి ప్రారంభించనుంది. ఒక్కో షేరును రూ.12,000 ధరతో మొత్తం 46.94 లక్షల షేర్లను కంపెనీ తిరిగి కొనుగోలు చేయనుంది. ఈ ప్రక్రియ జూలై 7 వరకు కొనసాగుతుంది. ప్రస్తుత మార్కెట్ ధర కంటే అధిక ధర చెల్లించడం ద్వారా మదుపర్లకు మెరుగైన ప్రతిఫలాన్ని అందించడమే లక్ష్యమని బజాజ్ ఆటో ఈ సందర్భంగా వెల్లడించింది.