రోడ్డు కోసం కేక్ కటింగ్‌తో నిరసన

భీమారం మండలంలో మన్నెగూడెం నుంచి తక్కళ్లపల్లి వరకు తారు రోడ్డు నిర్మించాలని డిమాండ్ చేస్తూ గ్రామస్థులు గురువారం వరుసగా రెండో నెల కేక్ కట్ చేసి వినూత్న నిరసన తెలిపారు. చుట్టుపక్కల గ్రామాల ప్రజలు కోరుట్ల వెళ్లేందుకు ఈ రహదారి కీలకమని పేర్కొన్నారు. ప్రభుత్వం తక్షణమే స్పందించి రోడ్డు నిర్మాణం చేపట్టాలని కోరారు. డిమాండ్ నెరవేరే వరకు ప్రతి నెల 29వ తేదీన కేక్ కటింగ్ నిరసన కొనసాగిస్తామని స్పష్టం చేశారు.