బాలికలపై పెరుగుతున్న అఘాయిత్యాలు

జిల్లాలో 18 ఏళ్లలోపు బాలికలపై లైంగిక దాడులు, పోక్సో కేసులు పెరుగుతుండటం కలవరపెడుతోంది. బాధితులకు తెలిసిన వ్యక్తులే ఈ దారుణాలకు పాల్పడుతుండటం, ముఖ్యంగా తల్లిదండ్రులు వలసలు వెళ్లిన కుటుంబాల్లో ఈ ఘటనలు ఎక్కువగా నమోదవుతుండటం గమనార్హం. ఈ పరిస్థితులను అరికట్టడానికి తల్లిదండ్రుల అప్రమత్తత, పాఠశాలల్లో విద్యార్థులకు అవగాహన కల్పించడం అత్యవసరం. వేధింపులకు గురైతే వెంటనే 100, 112, 181 లేదా 1098 నంబర్లకు సమాచారం అందించాలని పోలీసులు సూచిస్తున్నారు.