రెడ్‌మీ ప్యాడ్ 3 విడుదలకు సన్నాహాలు

షావోమీ త్వరలో ‘రెడ్‌మీ ప్యాడ్ 3 4G’ టాబ్లెట్‌ను విడుదల చేసేందుకు సిద్ధమవుతున్నట్లు సమాచారం. థాయ్‌లాండ్, తైవాన్, యూఏఈ సర్టిఫికేషన్ వెబ్‌సైట్లలో ఈ టాబ్లెట్ కనిపించడంతో దీనిపై ఆసక్తి పెరిగింది. లీకైన వివరాల ప్రకారం 10,000mAh బ్యాటరీ, 4G కనెక్టివిటీ, గరిష్ఠంగా 8GB ర్యామ్, 256GB స్టోరేజ్ ఉండొచ్చు. అయితే లాంచ్ తేదీ, ధరను షావోమీ ఇంకా అధికారికంగా ప్రకటించలేదు.