రికార్డు స్థాయిలో పోలియో చుక్కలు

తెలంగాణలో పల్స్ పోలియో కార్యక్రమం రికార్డు స్థాయిలో విజయవంతమైంది. నిర్దేశించిన 40.97 లక్షల మంది చిన్నారుల లక్ష్యాన్ని అధిగమించి, ఏకంగా 41.53 లక్షల మందికి పైగా వైద్య సిబ్బంది టీకాలు వేశారు. ఈ అసాధారణ విజయంతో రాష్ట్రం 101.4 శాతం కవరేజ్ సాధించింది. అంకితభావంతో పనిచేసిన వైద్యులు, ఆశా కార్యకర్తలు, అంగన్‌వాడీ సిబ్బందిని ఆరోగ్యశాఖ మంత్రి దామోదర రాజనర్సింహ ప్రత్యేకంగా అభినందించారు.