సంక్రాంతికి రవితేజ సందడి

వచ్చే సంక్రాంతి బరిలో రవితేజ, శ్రీవిష్ణు మల్టీస్టారర్ చిత్రం నిలవనుంది. హసిత్ గోలి దర్శకత్వంలో తెరకెక్కనున్న ఈ వైవిధ్యభరితమైన వినోదాత్మక చిత్రం, ఈ నెలలో పూజా కార్యక్రమాలతో ప్రారంభం కానుంది. వచ్చే నెల నుంచి రెగ్యులర్ చిత్రీకరణ జరుపుకోనున్న ఈ సినిమాను, సంక్రాంతి కానుకగా ప్రేక్షకుల ముందుకు తీసుకువచ్చేందుకు చిత్రబృందం ప్రణాళికలు సిద్ధం చేస్తోంది.