రవితేజ 'ఇరుముడి' సినిమాలో సీలేరు అందాల సందడి

మాస్ మహారాజ్ రవితేజ హీరోగా నటించిన ‘ఇరుముడి’ సినిమాలో కీలక సన్నివేశాలను అల్లూరి జిల్లా జీకేవీధి మండలం సీలేరు పరిసరాల్లో చిత్రీకరించారు. అయ్యప్ప స్వామి, మారెమ్మ తల్లి ఆలయాలు, జలాశయాలు, ప్రకృతి అందాల మధ్య ఈ సన్నివేశాలను షూట్ చేశారు. సినిమా శుక్రవారం విడుదలై పాజిటివ్ టాక్ తెచ్చుకుంది. సీలేరు పరిసరాల్లో చిత్రీకరించిన దృశ్యాలు సినిమాలో ప్రత్యేక ఆకర్షణగా నిలవడంతో స్థానికులు సంతోషం వ్యక్తం చేస్తున్నారు.