రణ్‌వీర్ సింగ్‌పై ఇండస్ట్రీ నిషేధం

బాలీవుడ్ స్టార్ రణ్‌వీర్ సింగ్ క్రేజీ ప్రాజెక్ట్ ‘డాన్ 3’ నుండి అకస్మాత్తుగా తప్పుకోవడంతో ‘ఫెడరేషన్ ఆఫ్ వెస్ట్రన్ ఇండియా సినీ ఎంప్లాయీస్’ (FWICE) ఆయనపై నాన్-కోఆపరేషన్ (నిషేధం) విధించింది. షూటింగ్‌కు కొద్దిరోజుల ముందే ఆయన తప్పుకోవడం వల్ల నిర్మాతలకు రూ.45 కోట్ల నష్టం వాటిల్లిందని సమాచారం. ఈ వివాదంపై వివరణ ఇవ్వడానికి రణ్‌వీర్ నిరాకరించడంతో, ఫెడరేషన్ కార్మికులు ఎవరూ ఆయనతో కలిసి పనిచేయకూడదని కీలక నిర్ణయం తీసుకున్నారు. కాగా, వృత్తిపరమైన చర్చలను గౌరవప్రదంగా చూసుకోవాలనే ఉద్దేశంతోనే తాను మౌనంగా ఉన్నట్లు రణ్‌వీర్ సింగ్ ప్రతినిధి ఒక ప్రకటనలో తెలిపారు.