త్రివేణి యాత్ర బృందాన్ని అభినందించిన రాజ్‌నాథ్ సింగ్

ఐఏఎస్‌వి (IASV) త్రివేణి నౌకాయాన సాహస యాత్రను విజయవంతంగా పూర్తి చేసిన మహిళా బృందంతో రక్షణ మంత్రి రాజ్‌నాథ్ సింగ్ న్యూఢిల్లీలో సమావేశమై అభినందించారు. ఈ యాత్ర సాధించిన విజయం దేశానికి ఎంతో గర్వకారణమని ప్రశంసించారు. మహిళల సామర్థ్యాలపై ఉన్న పాత మూసధోరణులను ఈ బృందం తిప్పికొట్టిందని, శారీరక, మానసిక దార్ఢ్యం, నాయకత్వం అనేవి లింగభేదంపై ఆధారపడి ఉండవని నిరూపించారని రక్షణ మంత్రి పేర్కొన్నారు.