ప్రైవేట్ ఆస్పత్రుల్లో క్యాష్‌లెస్ సేవలు బంద్

తెలంగాణలోని ప్రముఖ ఆస్పత్రుల్లో కేర్ హెల్త్ ఇన్సూరెన్స్ నగదు రహిత చికిత్స సేవలను TSHA నిలిపివేసింది. క్లెయిమ్‌ల పరిష్కారంలో జాప్యం, తిరస్కరణలకు నిరసనగా ఈ నిర్ణయం తీసుకుంది. దీంతో రోగులు తొలుత బిల్లులు చెల్లించి, ఆ తర్వాత రీయింబర్స్‌మెంట్‌కు దరఖాస్తు చేసుకోవాలి. చర్చల ద్వారా సమస్య పరిష్కారమైతేనే సేవలను పునరుద్ధరిస్తామని TSHA స్పష్టం చేసింది. బాధితులు ఇన్సూరెన్స్ అంబుడ్స్‌మన్‌ను ఆశ్రయించవచ్చు.