‘పెద్ది’ సక్సెస్‌: రామ్‌ చరణ్‌పై చిరంజీవి ప్రశంసలు

రామ్ చరణ్ నటించిన ‘పెద్ది’ చిత్రం ఘన విజయం సాధించడంపై మెగాస్టార్ చిరంజీవి హర్షం వ్యక్తం చేశారు. షూటింగ్‌లో ఉన్నా తన మనసంతా సినిమాపైనే ఉందన్న ఆయన, చరణ్ రెండేళ్ల కష్టానికి తగిన ప్రతిఫలం దక్కిందని, తండ్రిగా తనకు ఎంతో గర్వంగా ఉందని పోస్ట్ చేశారు. ఈ అద్భుతమైన విజయాన్ని అందించిన చిత్ర దర్శకుడు బుచ్చిబాబు, నిర్మాత సతీశ్, సంగీత దర్శకుడు ఏఆర్‌ రెహమాన్ మరియు చిత్రబృందానికి చిరంజీవి ప్రత్యేక అభినందనలు తెలిపారు.