పాలమూరు-రంగారెడ్డి ప్రాజెక్టు: భూసేకరణ ప్రారంభం

పాలమూరు-రంగారెడ్డి ఎత్తిపోతల పథకంలో భాగంగా, లక్ష్మీదేవిపల్లి రిజర్వాయర్ కోసం 2,919 ఎకరాల భూసేకరణ ప్రక్రియను అధికారులు ప్రారంభించారు. ఎమ్మెల్యేలు రామ్మోహన్ రెడ్డి, వీర్లపల్లి శంకర్ క్షేత్రస్థాయిలో పనులను పర్యవేక్షించి, అధికారులకు దిశానిర్దేశం చేశారు. ఈ రిజర్వాయర్ ద్వారా దక్షిణ తెలంగాణలోని లక్షల ఎకరాలకు సాగునీరు, తాగునీటి సమస్యకు శాశ్వత పరిష్కారం లభించనుంది. ప్రాజెక్టు వేగవంతం చేయడంతో ఈ ప్రాంత రైతుల పొలాలు సస్యశ్యామలం కానున్నాయని ప్రజాప్రతినిధులు పేర్కొన్నారు.