చమురు ధరలు తగ్గడంతో పుంజుకున్న మార్కెట్లు

చమురు ధరలు తగ్గడంతో బుధవారం ప్రారంభ ట్రేడింగ్‌లో దేశీయ స్టాక్‌ మార్కెట్లు పుంజుకున్నాయి. సెన్సెక్స్‌ 283.66 పాయింట్లు పెరిగి 74,812.74కు, నిఫ్టీ 85.55 పాయింట్లు లాభపడి 23,414.55కు చేరాయి. బ్రెంట్‌ క్రూడ్‌ ధర 0.97% తగ్గి 98.29 డాలర్లుగా నమోదైంది. అయితే విదేశీ పెట్టుబడిదారుల అమ్మకాలు కొనసాగడం మార్కెట్లపై ఒత్తిడి చూపుతోంది. మంగళవారం ఎఫ్‌ఐఐలు రూ.3,809.99 కోట్ల విలువైన షేర్లు విక్రయించారు.