'ఓజీ' శాటిలైట్ హక్కులు ఈటీవీ సొంతం

పవన్ కళ్యాణ్ నటించిన స్టైలిష్ యాక్షన్ డ్రామా 'ఓజీ' భారీ విజయాన్ని అందుకుంది. ఈ సినిమా శాటిలైట్ హక్కులను ప్రముఖ ఛానల్ ఈటీవీ భారీ ధరకు సొంతం చేసుకున్నట్లు సమాచారం. ఇప్పటికే ఓటీటీలో సందడి చేస్తున్న ఈ చిత్రం, త్వరలోనే బుల్లితెర ప్రేక్షకులను అలరించేందుకు సిద్ధమవుతోంది. ప్రస్తుతం ఈటీవీ ఈ చిత్రాన్ని వరల్డ్ టెలివిజన్ ప్రీమియర్‌గా ప్రసారం చేయడానికి ప్లాన్ చేస్తోంది. ఈ విషయాన్ని అధికారికంగా ప్రకటించాల్సి ఉంది. పవన్ కళ్యాణ్ పవర్‌ఫుల్ నటనకు ఈ సినిమా టెలివిజన్ రేటింగ్‌లలో కూడా రికార్డులు సృష్టిస్తుందని టాలీవుడ్ వర్గాలు భావిస్తున్నాయి.