న్యూ సాంవ్లిలో అదనపు తరగతి గదుల ప్రారంభోత్సవం

కుభీర్ మండలం న్యూ సాంవ్లి గ్రామంలో రూ.12 లక్షలతో నిర్మించిన నూతన తరగతి గదులను ముధోల్ ఎమ్మెల్యే రామారావ్ పటేల్ ప్రారంభించారు. ఈ సందర్భంగా ఆయన మాట్లాడుతూ.. గ్రామీణ ప్రాంతాల ఉజ్వల భవిష్యత్తుకు విద్యే మూలస్తంభమని, అందుకే పాఠశాలల్లో వసతుల పెంపునకు ప్రాధాన్యం ఇస్తున్నామని చెప్పారు. త్వరలోనే గ్రామంలో వివో భవనం, గోదాంల నిర్మాణంతో పాటు మురికినీటి కాలువలు, సిమెంట్ రోడ్ల పనులను చేపడతామని వెల్లడించారు.