నకిలీ విత్తనాల వల్ల నష్ట పోయిన రైతులను ఆదుకోవాలి

నకిలీ విత్తనాల వల్ల పంట నష్టపోయిన రైతులను ప్రభుత్వం ఆదుకోవాలని కౌలు రైతు సంఘం జిల్లా కార్య దర్శి రాకోటి రాములు కోరారు. సోమవారం విజయనగరం కలెక్టరేట్ వద్ద నిర్వహించిన నిరసనలో ఆయన మాట్లాడారు. జిల్లాలోని 3 మండలాల్లో 600 మంది రైతులు నకిలీ విత్తనాల కారణంగా పంట నష్టపోయారని ఆరోపించారు. నకిలీ విత్తనాలు విక్రయించిన వ్యాపారులపై చర్యలు తీసుకోవాలని, మెంటాడ మండలంలో రైతు భరోసా సమస్యను పరిష్కరించాలని కోరారు.