నకిలీ ఓట్లపై బీజేపీకి అఖిలేశ్‌ హెచ్చరిక

ఓటర్ల జాబితాలో నకిలీ ఓట్లు చేర్చి, ప్రతిపక్ష మద్దతుదారుల ఓట్లను తొలగించి బీజేపీ గెలవాలని చూస్తోందని సమాజ్‌వాదీ పార్టీ అధినేత అఖిలేశ్‌ యాదవ్‌ ఆరోపించారు. లక్నోలో పార్టీ కార్యకర్తలతో సమావేశంలో ఆయన ఈ వ్యాఖ్యలు చేశారు. పోలింగ్‌ బూత్‌ల వద్ద కార్యకర్తలు అప్రమత్తంగా ఉండాలని, నకిలీ ఓట్లు కనిపిస్తే ఫిర్యాదు చేయాలని సూచించారు. ఓటర్ల జాబితా సవరణ ప్రక్రియ నేపథ్యంలో ఆయన ఈ ఆరోపణలు చేశారు.