నైజాం చెరువుకు కొత్త రూపం

భైంసా మండలం సిరాల గ్రామంలోని చెరువును నైజాం కాలంలో నిర్మించినట్లు గ్రామస్థులు తెలిపారు. సుమారు వందేళ్ల చరిత్ర కలిగిన ఈ చెరువు గ్రామానికి జీవనాధారంగా నిలిచిందని పూర్వీకులు చెబుతున్నట్లు పేర్కొన్నారు. వ్యవసాయంతోపాటు గ్రామ అవసరాలకు చెరువు ఉపయోగపడుతోంది. రెండేళ్ల క్రితం భారీ వర్షాలకు పాత చెరువు కట్ట తెగిపోవడంతో ప్రభుత్వం కొత్త చెరువును నిర్మించింది.