NCC లాభం రూ.184 కోట్లకు

ఎన్‌సీసీ లిమిటెడ్‌ ప్రస్తుత ఆర్థిక సంవత్సరం రెండో త్రైమాసికంలో రూ.6,041.68 కోట్ల ఆదాయం, రూ.184.29 కోట్ల నికర లాభాన్ని ఆర్జించింది. గత ఏడాది ఇదే త్రైమాసికంతో పోలిస్తే రెండూ పెరిగాయి. ఈ త్రైమాసికంలో రూ.4,838 కోట్ల విలువైన ఆర్డర్లు దక్కించుకుంది. సెప్టెంబరు 30 నాటికి ఆర్డర్‌ బుక్‌ రూ.80,167 కోట్లకు చేరింది. టెక్నాలజీ, డిజిటల్‌ మౌలిక సదుపాయాల రంగాల్లోకి విస్తరించాలని బోర్డు ప్రతిపాదించింది.