జకార్తాలో ప్రధాని మోదీకి ఘన స్వాగతం.

భారత ప్రధానమంత్రి నరేంద్ర మోదీకి ఇండోనేషియా రాజధాని జకార్తాలో నిన్న రాత్రి ఘన స్వాగతం లభించింది. ప్రధాని మోదీ పర్యటన నేపథ్యంలో అక్కడ భారతీయ సంస్కృతి ప్రతిబింబించేలా ప్రత్యేక సాంస్కృతిక కార్యక్రమాలతో స్వాగత వేడుకలు నిర్వహించారు. ఈ పర్యటనలో భాగంగా ఇండోనేషియా అధ్యక్షుడు ప్రబోవో సుబియాంతోతో ప్రధాని మోదీ ఈరోజు ద్వైపాక్షిక చర్చలు జరపనున్నారు. ఇరు దేశాల మధ్య రక్షణ, ఆర్థిక సంబంధాల బలోపేతంపై ఈ సమావేశంలో కీలక నిర్ణయాలు తీసుకోనున్నారు.