కొండాపురంలో నీట మునిగిన పంట పొలాలు

పాలకొండ మండలం కొండాపురంలో శుక్రవారం సుమారు 200 ఎకరాల్లో పంటలు నీట మునిగాయి. నాగావళికి వరద నీరు పోటెత్తడంతో ఈ నీరు కొండాపురం గ్రామంతో పాటు, సమీపంలో ఉన్న పంట పొలాలను ముంచెత్తింది. ఈ ఏడాది ఎన్నో అవస్థలు పడుతూ సాగు చేస్తుండగా అకాలంగా వచ్చిన వరదలు తమ పంట పొలాలను నాశనం చేశాయని రైతులు ఆవేదన వ్యక్తం చేస్తున్నారు. అధికారులు పంటలను పరిశీలించి తమను ఆదుకోవాలని కొండాపురం రైతులు కోరుతున్నారు.