కొల్లూరులో పోషకాహారంపై అవగాహన

కొల్లూరు మండలం క్రాప అంగన్వాడీ కేంద్రంలో సోమవారం పోషక మాసోత్సవాలు నిర్వహించారు. సూపర్‌వైజర్‌ సునీత ఆధ్వర్యంలో ‘మన అంగన్వాడీ-మన బాధ్యత’పై అవగాహన కల్పించారు. పోషకాహారం, ఆరోగ్యం, బాలల వికాసంపై వివరించారు. వైవిధ్యభరితమైన పోషకాహారం తీసుకోవాలని సూచించారు. అనంతరం అంగన్వాడీ కార్యకర్తలు, తల్లులతో కలిసి గ్రామంలో అవగాహన ర్యాలీ నిర్వహించారు.