కేజీబీవీ డ్రైనేజీ సమస్యపై అఖిలపక్షం ఫిర్యాదు

రాజోలి కేజీబీవీలో డ్రైనేజీ సమస్య పరిష్కరించాలని అఖిలపక్ష కమిటీ, కాలనీవాసులు మంగళవారం ఎంపీడీవోకు వినతిపత్రం అందించారు. మురుగునీరు రైతుల పొలాల కాలువలో కలవడంతో దుర్గంధం, దోమల బెడదతో ఇబ్బందులు పడుతున్నామని తెలిపారు. వెనుక ప్రహరీ గోడ ఎత్తు పెంచి, రోడ్డుకు మొరం వేయాలని కోరారు. రెండు, మూడు రోజుల్లో తాత్కాలికంగా సమస్యను పరిష్కరిస్తామని ఎంపీడీవో హామీ ఇచ్చారు.