ఉద్యోగార్థులకు శుభవార్త: అక్టోబర్‌లో మరో మెగా డీఎస్సీ నోటిఫికేషన్

రాష్ట్ర ప్రభుత్వం మరో మెగా డీఎస్సీ నిర్వహణకు గ్రీన్ సిగ్నల్ ఇచ్చింది. అక్టోబర్ 2026లో నోటిఫికేషన్ విడుదల చేసి, డిసెంబర్‌లో పరీక్షలు నిర్వహించనున్నట్లు విద్యాశాఖ కార్యదర్శి కోన శశిధర్ వెల్లడించారు. ఉద్యోగ క్యాలెండర్ ప్రకారం ఈ ప్రక్రియ వేగంగా సాగనుంది. డీఎస్సీ-2025 నియామకాలు పారదర్శకంగా జరిగాయని ఆయన స్పష్టం చేశారు. రిజర్వేషన్లు, క్రీడాకోటా, దివ్యాంగుల విభాగాల్లో ఎటువంటి అవకతవకలు జరగలేదని వివరించారు. నిరుద్యోగులు ఈ అవకాశాన్ని సద్వినియోగం చేసుకోవాలని కోరారు.