ఏసీ బస్సుల్లోనూ మహిళలకు ఉచిత ప్రయాణం

మహిళలకు శుభవార్త చెబుతూ, రానున్న రోజుల్లో ఏసీ బస్సుల్లోనూ 'స్త్రీశక్తి' పథకం వర్తింపజేస్తామని మంత్రి మండిపల్లి రాంప్రసాద్ రెడ్డి ప్రకటించారు. ఇప్పటికే ఈ పథకం ద్వారా 73.62 కోట్ల మంది మహిళలు ఉచిత ప్రయాణాన్ని విజయవంతంగా సద్వినియోగం చేసుకున్నారని తెలిపారు. అంతేకాకుండా, గ్రామీణ ప్రాంతాలకు విద్యుత్ ఏసీ బస్సులను అందుబాటులోకి తెస్తామని మంత్రి స్పష్టం చేశారు. దివ్యాంగుల కోసం ఉద్దేశించిన 'దివ్యాంగ శక్తి' పథకానికి కూడా విశేష ఆదరణ లభిస్తోందని ఆయన పేర్కొన్నారు.