సెట్స్‌పైకి ‘జాంబిరెడ్డి 2’

'హనుమాన్' విజయంతో జాతీయ స్థాయి గుర్తింపు తెచ్చుకున్న యువ హీరో తేజ సజ్జా, తాజాగా తన సూపర్ హిట్ చిత్రం 'జాంబిరెడ్డి' సీక్వెల్‌ను పట్టాలెక్కించారు. పీపుల్ మీడియా ఫ్యాక్టరీ నిర్మిస్తున్న ఈ చిత్రం ప్రస్తుతం హైదరాబాద్‌లో శరవేగంగా షూటింగ్ జరుపుకుంటోంది. దర్శకుడు ప్రశాంత్ వర్మ ఈ సీక్వెల్‌కు కథను అందిస్తుండగా, మరొక దర్శకుడు దీనిని తెరకెక్కిస్తున్నట్లు తెలుస్తోంది. తేజ నటిస్తున్న చిత్రాల్లో 'జాంబిరెడ్డి 2' సినిమానే అందరికంటే ముందుగా ప్రేక్షకుల ముందుకు రానున్నట్లు సినీ వర్గాల సమాచారం.