సూర్య 50వ చిత్రానికి నెల్సన్‌ డైరెక్షనా?

కోలీవుడ్ స్టార్ హీరో సూర్య మైలురాయి చిత్రం 'సూర్య 50' కి 'జైలర్' ఫేమ్ నెల్సన్ దిలీప్ కుమార్ దర్శకత్వం వహించనున్నట్లు ఇండస్ట్రీలో గట్టి ప్రచారం సాగుతోంది. వీరిద్దరి కాంబినేషన్‌లో పూర్తి స్థాయి కామెడీ ఎంటర్‌టైనర్‌గా ఈ సినిమా రూపుదిద్దుకోనుందని సమాచారం. ఈ భారీ ప్రాజెక్ట్‌ను సితార ఎంటర్‌టైన్‌మెంట్స్ నిర్మించే అవకాశం ఉండగా, రాక్‌స్టార్ అనిరుధ్ సంగీతం అందించనున్నట్లు టాక్. ప్రస్తుతం నెల్సన్ 'జైలర్ 2' పనుల్లో బిజీగా ఉండటంతో, ఈ సినిమాపై అధికారిక ప్రకటన రావడానికి మరికొంత సమయం పట్టనుంది.