జపాన్‌తో భారత్‌ మ్యాచ్‌ గొప్ప సందర్భం: సైకియా

జపాన్‌తో భారత్‌ టీ20 మ్యాచ్‌ ఆడటం అంతర్జాతీయ క్రికెట్‌లో గొప్ప సందర్భమని బీసీసీఐ కార్యదర్శి దేవజిత్‌ సైకియా అన్నారు. ఈ నెల 22న జరగనున్న ఈ మ్యాచ్‌ క్రికెట్‌ను జపాన్‌లో విస్తరించేందుకు దోహదపడుతుందని తెలిపారు. కొత్త ప్రాంతాల్లో ప్రేక్షకులను ఆకర్షించేందుకు ఇలాంటి మ్యాచ్‌లు ఉపయోగపడతాయని సైకియా పేర్కొన్నారు. ఆసియా క్రీడల కోసం జపాన్‌ వెళ్లే భారత్‌ ఈ స్నేహపూర్వక మ్యాచ్‌లో తలపడనుంది.