గుండం జలపాతంలో మునిగి హైదరాబాద్ యువకుడి మృతి

ములుగు జిల్లాలోని గుండం జలపాతంలో మునిగి హైదరాబాద్‌కు చెందిన అక్తరుద్దీన్ అనే యువకుడు ప్రాణాలు కోల్పోయాడు. జలపాతం లోతు అంచనా వేయలేక నీటమునిగిన అతడిని, స్నేహితులు మరియు స్థానికులు బయటకు తీసి సీపీఆర్ చేసినా ఫలితం దక్కలేదు. మృతదేహాన్ని ఏటూరునాగారం ఆస్పత్రికి తరలించారు. పది రోజుల వ్యవధిలో జిల్లాలో జలపాతాల వద్ద ఇది రెండవ మరణం. పర్యాటక ప్రాంతాల్లో కనీస భద్రతా చర్యలు చేపట్టడంలో అటవీశాఖ పూర్తిగా విఫలమైందని స్థానికులు తీవ్ర ఆగ్రహం వ్యక్తం చేస్తున్నారు.