తుంగభద్ర జలాల కోసం హరీశ్ రావు డిమాండ్

తుంగభద్రపై కర్ణాటక చేపట్టిన అక్రమ ప్రాజెక్టులను అడ్డుకుని, తెలంగాణ హక్కులను కాపాడాలని సీఎం రేవంత్‌రెడ్డికి మాజీ మంత్రి హరీశ్ రావు లేఖ రాశారు. ఆర్డీఎస్, భీమా ప్రాజెక్టుల ప్రయోజనాలను పరిరక్షించాలని ఆయన కోరారు. సమైక్య పాలనలో నీటి వాటాల విషయంలో జరిగిన అన్యాయాలను గుర్తు చేస్తూ, తెలంగాణ భూములకు సాగునీరు అందించేలా ప్రభుత్వం తక్షణమే చర్యలు తీసుకోవాలని ఆయన డిమాండ్ చేశారు.