గుమ్మలక్ష్మీపురం ఏజెన్సీను కమ్మేసిన మబ్బులు

గుమ్మలక్ష్మీపురం మండలం ఏజెన్సీ ప్రాంతమంతా మబ్బులు కమ్మేసి ఎడతెరిపి లేకుండా విస్తారంగా వర్షాలు పడుతున్నాయి. ఆదివారం వేకువజామున మొదలైన వర్షం దఫ దఫాలుగా కురుస్తూనే ఉంది. పడుతున్న వర్షాలకు పొలాలన్నీ నీటితో కళకళలాడుతున్నాయి. కొండ ప్రాంతాలన్నీ మబ్బులు కమ్ముకొని చూడడానికి ఎంతో ఆహ్లాదకరంగా కనిపిస్తున్నాయి. నిన్నటి నుండి కురుస్తున్న వర్షాలకు లోతట్టు ప్రాంతాలు జలమయమయ్యాయి.