పూరీలో ఘనంగా జగన్నాథుడి స్నాన యాత్ర

ఒడిశాలోని పూరీలో జగన్నాథుడి పవిత్ర ‘దేవ స్నాన యాత్ర’ వైభవంగా ప్రారంభమైంది. లక్షలాది మంది భక్తుల సమక్షంలో వేద మంత్రోచ్ఛారణల నడుమ స్వామివారికి 108 పాత్రల పవిత్ర జలాలతో అభిషేకం చేశారు. రథయాత్రకు ముందు జరిగే ఈ వేడుక తర్వాత, దేవతలు 15 రోజుల పాటు ఏకాంత (అనసర) కాలంలో ఉంటారు. జూలై 16న జరగనున్న రథయాత్రకు ముందు ‘నవయౌవన దర్శనం’లో స్వామివారు తిరిగి భక్తులకు దర్శనమిస్తారు.