అగర్తలలో ఎనిమిది మంది బంగ్లాదేశీయుల అరెస్టు

అగర్తల విమానాశ్రయం వద్ద అనుమానాస్పదంగా తిరుగుతున్న ఎనిమిది మంది బంగ్లాదేశీయులను త్రిపుర పోలీసులు అదుపులోకి తీసుకున్నారు. వీరు అక్రమంగా దేశంలోకి ప్రవేశించినట్లు ప్రాథమిక విచారణలో గుర్తించారు. అదుపులోకి తీసుకున్న వారిని స్థానిక మోహన్‌పూర్ కోర్టులో హాజరుపరిచారు. అక్రమ ప్రవేశం వెనుక ఉన్న కారణాలను తెలుసుకునేందుకు పోలీసులు లోతుగా దర్యాప్తు చేస్తున్నారు.