గోవా వాస్కో మార్కెట్‌లో భారీ అగ్నిప్రమాదం

గోవాలోని వాస్కో మార్కెట్‌లో జరిగిన భారీ అగ్నిప్రమాదంలో సుమారు 150 దుకాణాలు పూర్తిగా దగ్ధమయ్యాయి. ఈ ఘటనలో ఎలాంటి ప్రాణనష్టం జరగలేదని అధికారులు తెలిపారు. సమాచారం అందుకున్న సీఎం ప్రమోద్ సావంత్ ఘటనా స్థలానికి చేరుకుని పరిస్థితిని సమీక్షించారు. అగ్నిమాపక సిబ్బంది మంటలను అదుపు చేసేందుకు శ్రమించారు. భారీ ఆస్తినష్టం జరిగినట్లు భావిస్తుండగా, పూర్తి వివరాలపై దర్యాప్తు కొనసాగుతోంది.