ప్రయాణికులకు గుడ్‌న్యూస్: నంద్యాల మీదుగా కొత్త రైళ్ల ప్రతిపాదనలు

విశాఖపట్నం రైల్వే జోన్ సమావేశంలో నంద్యాల మీదుగా కొత్త రైళ్లకు ప్రతిపాదనలు సిద్ధమయ్యాయి. విశాఖపట్నం–తిరుపతి, కొండవీటి, అమరావతి ఎక్స్‌ప్రెస్‌లను రోజువారీగా నడపాలని నిర్ణయించారు. అలాగే మచిలీపట్నం–ధర్మవరం రైలును బెంగళూరు వరకు, గుంటూరు–శంభాజీనగర్ ఎక్స్‌ప్రెస్‌ను నాగర్‌సోల్ వరకు పొడిగించాలని రైల్వే అధికారులకు సూచించారు. ఈ ప్రతిపాదనలు అమలైతే ప్రయాణికులకు మరింత మెరుగైన రవాణా సదుపాయాలు అందుబాటులోకి వస్తాయి.