వైభవ్‌కు అవకాశం ఇవ్వండి

ఐర్లాండ్‌తో సిరీస్‌లో వైభవ్ సూర్యవంశీని జట్టులోకి తీసుకోకపోవడంపై సునీల్ గావస్కర్ అసహనం వ్యక్తం చేశారు. ఫామ్‌లో లేని ఆటగాళ్లను పక్కనపెట్టి, ఇంగ్లాండ్‌తో జరిగే సిరీస్‌లోనైనా ఈ యువ క్రికెటర్‌కు కచ్చితంగా అవకాశం ఇవ్వాలని ఆయన సూచించారు. మరోవైపు మనోజ్ తివారీ స్పందిస్తూ, అద్భుతమైన ఫామ్‌లో ఉన్న వైభవ్ ఇంకెన్నాళ్లు వేచిచూడాలని టీమ్ మేనేజ్‌మెంట్‌ను ప్రశ్నించారు. విఫలమవుతున్న ఆటగాళ్ల కంటే, కొత్త ప్రతిభకు ప్రాధాన్యత ఇవ్వాలని మాజీ క్రికెటర్లు కోరుతున్నారు.