అస్సాంను ముంచెత్తిన వరదలు: వేలాది హెక్టార్ల పంట నష్టం

అస్సాంలో వరద పరిస్థితి అత్యంత దారుణంగా మారింది. ఆరు జిల్లాల్లో దాదాపు 46,000 మందికి పైగా ప్రజలు వరద గుప్పిట్లో చిక్కుకోగా, ధేమాజీ జిల్లాలో ఒక మహిళ మరణించినట్లు విపత్తు నిర్వహణ సంస్థ అధికారికంగా ధృవీకరించింది. బ్రహ్మపుత్ర సహా రెండు ప్రధాన నదులు ప్రమాదకర స్థాయిని దాటి ప్రవహిస్తుండటంతో 3,809 హెక్టార్ల పంట భూములు నీట మునిగాయి. వందలాది గ్రామాలు జలదిగ్బంధంలో చిక్కుకుని, మౌలిక వసతులకు తీవ్ర నష్టం వాటిల్లింది.