గ్రాండ్ కేనియన్‌లో వరద బీభత్సం

అమెరికాలోని గ్రాండ్ కేనియన్ జాతీయ ఉద్యానవనంలో ఆకస్మిక వరదలు బీభత్సం సృష్టించాయి. అరగంట పాటు కురిసిన భారీ వర్షంతో వరద ప్రవాహం ఉప్పొంగి భారీ బండరాళ్లు, ఇనుప నిర్మాణాలు, ఇతర శిథిలాలను కొట్టుకుపోయింది. ఈ ఘటనలో 20 మందికిపైగా గల్లంతయ్యారు. వారి కోసం అధికారులు గాలింపు చర్యలు చేపట్టగా, ప్రభావిత ప్రాంతాల్లో చిక్కుకున్న వారిని హెలికాప్టర్ల ద్వారా సురక్షిత ప్రాంతాలకు తరలిస్తున్నారు.