ఎచ్చెర్ల వర్సిటీలో అక్రమ నియామకాలు

ఎచ్చెర్ల లోని డాక్టర్‌ బి.ఆర్‌. అంబేడ్కర్‌ విశ్వవిద్యాలయంలో గత రెండేళ్లలో భారీగా అక్రమ నియామకాలు జరిగాయని ఎమ్మెల్యే ఎన్‌.ఈశ్వరరావు అసెంబ్లీలో ప్రస్తావించారు. ఎలాంటి నోటిఫికేషన్లు జారీ చేయకుండా, నిబంధనలు పాటించకుండా, పారదర్శకత లేకుండా నియామకాలు చేపట్టారని ఆరోపించారు. ఈ వ్యవహారంపై ఉన్నతాధికారులు సమగ్ర విచారణ చేపట్టాలని కోరారు. ఎమ్మెల్యే వ్యాఖ్యలతో వర్సిటీ వర్గాల్లో ఈ అంశం చర్చనీయాంశంగా మారింది.