ఢిల్లీ, ఉత్తరాఖండ్‌లో ఖలిస్తానీ ఉగ్ర ముప్పు: హై అలర్ట్

ఢిల్లీ, ఉత్తరాఖండ్‌లలో ఖలిస్తానీ ఉగ్రవాదుల దాడుల ముప్పు ఉందని కేంద్ర నిఘా వర్గాలు హెచ్చరించాయి. దేవాలయాలు, రద్దీ ప్రదేశాలు, ప్రభుత్వ కార్యాలయాలే లక్ష్యంగా దాడులు జరిగే అవకాశం ఉన్నట్లు అనుమానాస్పద ఈమెయిల్ ద్వారా సమాచారం అందింది. ఈ హెచ్చరికల నేపథ్యంలో పోలీసులు అప్రమత్తమై భద్రతను కట్టుదిట్టం చేశారు. ఈమెయిల్ మూలాలను వెతికేందుకు విచారణ చేపడుతూ, సున్నితమైన ప్రదేశాలలో నిఘాను పెంచి పటిష్టమైన భద్రతా చర్యలు తీసుకుంటున్నారు.