డిమాండ్లు పరిష్కరించాలంటూ జూనియర్ డాక్టర్ల నిరసన

శ్రీకాకుళం రిమ్స్ ఆస్పత్రి ఆవరణలో జూనియర్ డాక్టర్లు మంగళవారం వినూత్నంగా నిరసన తెలిపారు. తమ ప్రధాన డిమాండ్లను ప్రభుత్వం వెంటనే పరిష్కరించాలని కోరుతూ ఆస్పత్రి బయట డాన్సులు చేస్తూ ఆందోళన చేపట్టారు. తమ సమస్యలను ప్రభుత్వ దృష్టికి తీసుకెళ్లేందుకే ఈ తరహాలో నిరసన చేపట్టినట్లు జూనియర్ డాక్టర్లు తెలిపారు. డిమాండ్లను పరిష్కరించే వరకు పోరాటం కొనసాగిస్తామని స్పష్టం చేశారు.