మహిళల రక్షణకు కమిషన్ సిద్ధం: శైలజ

గత ప్రభుత్వ హయాంలో అమరావతి ఉద్యమ సమయంలో తాను కూడా దాడులకు గురయ్యానని మహిళా కమిషన్ ఛైర్‌పర్సన్ రాయపాటి శైలజ తెలిపారు. మహిళలపై అనుచిత వ్యాఖ్యలు చేస్తే సహించేది లేదని ఆమె హెచ్చరించారు. పోష్ చట్టంపై అవగాహన కల్పిస్తూ, మహిళల రక్షణ కోసం కమిషన్ కట్టుబడి ఉందని ఆమె స్పష్టం చేశారు. హోంమంత్రిపై మాజీ మంత్రి అమర్‌నాథ్ చేసిన వ్యాఖ్యలపై విచారణ చేపడతామని పేర్కొన్నారు.