రైల్వే డబ్లింగ్‌కు కేంద్రం రూ.250 కోట్లు

తిరుపతి–పాకాల–చిత్తూరు–కాట్పాడి రైల్వే మార్గం డబ్లింగ్‌ పనులకు కేంద్రం రూ.250 కోట్లు కేటాయించింది. 2025-26 ఆర్థిక సంవత్సరానికి ఈ నిధులు మంజూరయ్యాయి. డబ్లింగ్‌ పూర్తయితే చిత్తూరు రైల్వే స్టేషన్‌ కీలక జంక్షన్‌గా మారే అవకాశం ఉంది. ఉత్తర, దక్షిణ భారతాలను అనుసంధానించే మరిన్ని రైళ్లు చిత్తూరు మీదుగా రాకపోకలు సాగించడంతో సౌకర్యాలు, వ్యాపార, పారిశ్రామిక, ఉద్యోగ అవకాశాలు మెరుగుపడే అవకాశం ఉంది.