చిత్తూరు డ్రగ్స్ కేసులో ఉగాండా మహిళ అరెస్ట్

చిత్తూరు జిల్లాలో డ్రగ్స్ అక్రమ రవాణా కేసులో ఉగాండాకు చెందిన మహిళను పోలీసులు అరెస్ట్ చేశారు. కోర్టు ఆదేశాల మేరకు ఆమెను నెల్లూరు జైలుకు తరలించారు. ఈ కేసులో రూ.4 లక్షల విలువైన 70 గ్రాముల డ్రగ్స్‌ను స్వాధీనం చేసుకున్నారు. నిందితుల విచారణలో ఆమె పాత్ర వెలుగులోకి వచ్చినట్లు పోలీసులు తెలిపారు. అంతర్జాతీయ డ్రగ్స్ ముఠాతో సంబంధాలపై దర్యాప్తు కొనసాగుతోందని, మరిన్ని అరెస్టులు జరిగే అవకాశం ఉందని వెల్లడించారు.